Lalaki, nagpanguros antes nanghold-up

Nakuhaan sang camera ang isa ka lalaki nga nagpangholdap sa isa ka eskinita sa Brgy. San Juan, Cainta, Rizal.

Makit-an sa video ang suspek nga nagalakat-lakat sa lugar, nagasandig sa dingding, kag nagpanguros pa ini antes naghulat kag nagpanago sa kilid sang isa ka balay.

Sang ulihi, gin-ambangan sini ang isa ka lalaki nga nakasuksok sang helmet kag gin-holdap ang kuwarta, antes gilayon nga nagpalagyo.

Suno sa barangay, P5,000 nga cash ang nadali sang suspek sa biktima nga isa ka Indian national nga ginaalegar nagapanukot sang loan sa amo nga lugar.

Padayon pa nga ginapangita sang mga otoridad ang suspek nga ginapahayag residente man sang amo nga lugar.