-- ADVERTISEMENT --
PONTEVEDRA CAPIZ – Dakop ang isa ka lalaki, matapos ang ginkasa nga buy bust operation sa Barangay Agdalipe, Pontevedra, Capiz.
Ginkilala ang nadakpan kay Alyas “Leo”, 19-anyos kag residente sang Barangay Malag-it sa nasambit nga banwa.
Sa impormasyon nga nakuha sang Bombo Radyo nagikan sa Pontevedra Municipal Police Station, nakuha sa nadakpan ang isa ka unit sang caliber 45 revolver kag apat ka mga bala, kapin P1,500.00 sa nagkalain-lain nga denominasyon kag isa ka laptop.
Magapangatubang sa kaso nga paglapas sa Republic Act 10591 ukon Comprehensive Firearms and Ammunition Regulation Act ang nasambit nga persona.
Sa karun yara na ini sa kustodiya sang Pontevedra MPS, para sa nagakaigo nga disposisyon.
-- ADVERTISEMENT --
