MAAYON CAPIZ – Wala na sang kabuhi sang makit-an ang lalaki nga nagahigda sa dalan kag duguon sa Sitio Agbanga Barangay Indayagan ,Maayon, Capiz.
Ang amu nga biktima ang wala pa makilan-an.
Sa impormasyon nga nagikan sa Maayon Municipal Police Station, personal nga nagpadulong sa ila istasyon sanday Jemar Desano, 24-anyos kag residente sang Brgy. Ilawod kag Waren Degoma, 26-anyos residente sang Brgy. Indayagan sa amu nga banwa agud ireport nga may yara sang nagahigda nga lalaki sa amu nga lugar.
Mahibaluan nga sun okay Rolindo Dilao samtang yara ini sa iya puluy-an may nabatian ini nga lupok sang armas-luthang 60metros ang kalayuon.
Sa iya pagtsekyar sa lugar, nakit-an sini niya ang 2 ka mga persona sakay ang motorsiklo kag madasig nga nagpadalagan padulong sa Barangay Quinat-uyan samtang ang biktima nagahigda na kag wala na sang kabuhi.
Sa karun padayon pa nga nagapatigayon sang imbestigasyon ang katapo sang Maayon MPS agud matumod kag madakop ang sa likod sang krimen.
