ROXAS CITY – Yara na sa state of decomposition ang 55-anyos nga mister sang nasapwan sa sulod sang iya balay sa Barangay Cadio, Panit-an.
Ginkilala ang biktima nga si Vicente Delco.
Ba-se sa imbestigasyon sang Panit-an Municipal Police Station nagpadulong sa balay sang biktima ang kaingud balay nga si Estelita Dela apang nakapanimaho ini sang indi maayo nga baho, gani iya ginpahibalo ang utod ni Delco nga gilayon man nga nagpadulong sa amo nga balay.
Ginguba nila ang pila ka mga jalousy agud makasulod sa balay sang biktima sa diin ila nakita ang nagahigdaon na sa salog nga si Vicente nga wala na sang kabuhi.
Nagapati naman ang pamilya sang biktima nga wala sang foul play sa kamatayon sini kag napatay ang ila himata bangud sa ginasuprer nga balatian.
