ROXAS CITY – Patay na sang nasapwan ang 53-anyos nga lalaki sa sulod sang sakayan pangisda sa Sitio Punta Libas, Barangay Libas, sining syudad kaina sang aga.
Ginkilala ang biktima nga si Jovito Jurilla Jr., sang Masbate apang temporaryo nga nagatenir sa Barangay Libas matapos naga-extra upod sa mga sakayan pangisda.
Ginpahayag ni Punong barangay Richard Arrojado sang Barangay Libas, natukiban lamang ang natabo sa biktima matapos sugaton sa sakayan para paupdon sa isa ka sakayan pandagat.
Ginkatingala nga wala nagabugtaw ang biktima bisan makapila na ini ka beses nga ginpukaw.
Nagduda lamang sila nga may malain nga natabo kay Jurilla matapos mauyatan nga matig-a na ang lawas sini kag nagatiskog.
Gindala pa ini sa Roxas Memorial Provincial Hospital agud matsekyar.
Kilala ang biktima nga palainum sa amo nga lugar
Samtang nagapati naman ang pamilya sang biktima nga wala sang foul play sa kamatayon sang ila himata
