ROXAS CITY – Patay na sang nasapwan ang isa ka persona sa isa ka suba sa suba sa Barangay Dolores, Dumalag, Capiz.
Mahibaluan nga nakit-an na lamang nga nagapautaw-utaw kag wala na sang kabuhi ang biktima nga si Joebert Rentio, 30 anyos, residente sang Sitio Sibaguan, Barangay Initan, Tapaz, Capiz.
Nahibaluan nga may nagpahibalo sa pamunuan sang Dumalag Response Team nga may yara sila nakita nga persona nga nagapautaw-utaw sa nasambit nga suba.
Didto kag madasig nga nagresponde ang hubon kag nakilala ang biktima.
Mahibaluan nga Martes nga adlaw pa sang ginreport nga missing ang nasambit nga biktima.
Base sa impormasyon sang Dumalag Municipal Police Station, nakainom ang biktima kag magapauli na ini sa ila panimalay kag kinahanglan pa nga tabukon ang suba agud makapauli.
Ginpilit nga magtabok sang biktima kag didto ginapahayag nga gin-anod ini sang mabaskog nga tubig kag nalumos.
