Arestado ang lalaki nga ginaalegar liwat-liwat nga nag-rape sa iya kaugalingon nga anak nga menor de edad apang ini ang ginpanginwala sang akusado.
Suno kay alyas Joanna, nagatindog nga legal guardian sang bata, Hunyo 3, 2016 sang matabo ang una nga pagpanghimulos sa biktima nga yara pa lang sadto sa apat ka tuig ang
edad.
Pahayag niya, natabo ini mismo sa balay nila sa Bagong Silang, Caloocan kag nasundan pa sang pila ka beses sa sulod sang duha ka tuig.
Suno sa Joanna, nagakatabo ang insidente kun hubog ang 54 anyos nga amay.
Sa medico legal, nakumpirma sang forensic group sang Philippine National Police nga may indikasyon nga napuwersa ang bata.
Sa istorya mismo sang biktima nga subong yara na sa 14 anyos, una siya nga nagpanugid sa iya lola apang ginhambalan pa siya nga indi magpanugid sa iban.
Pila man ka bulan nga nagpanago sa Maynila ang akusado kag nagtrabaho bilang welder sa ila nga himata.
Isa ka babaye nga pulis ang nagpakuno-kuno nga maka-date sang akusado kag nagpasugot man ini nga magpakigkita.
Diri kag ginserbehan siya sang warrant of arrest.
