Lalaki nga gin-alegar nagpanukot sang P150 nga pautang, ginluthang-patay sang iya kliyente

Patay ang isa ka lalaki nga ginaalegar nagapanukot sang utang matapos ginluthang sang lalaki nga iya gin-pautangan sa Mariveles, Bataan.

Ginpahayag nga natabo ang insidente sa Barangay Camaya, nga nag-ugat sa 44-anyos nga biktima nga gin-alegar nagpanukot sang utang nga P150.00 gikan sa suspek.

Sa imbestigasyon sang pulis, nagkadto ang biktima sa balay sang suspek agud kuhaon ang utang. Apang natapos ini sa pagbaisay tubtob nga ginluthang sang suspek ang biktima.

Gindala pa sa ospital ang biktima apang gindeklarar ini nga dead on arrival.

Padayon naman ang pagpangita sang mga otoridad sa nakapalagyo nga suspek, samtang ginapreparar ang kaso nga ipasaka batuk sa iya.

Wala pa sang pahayag ang pamilya sang biktima.