Lalaki nga ginaalegar may diperensiya sa paminsaron, ginwasay ang 2 ka lalaki sa Capiz

ROXAS CITY – Pilas sa lawas ang naangkon sang duha ka lalaki matapos nga ginwasay sang lalaki nga ginaalegar may diperensiya sa paminsaron.
Ginkilala ang mga biktima nga sanday Eduardo de Pedro kag Elmer Casugbo sang Barangay Mangoso, Sigma, Capiz.

Nagaguwa sa imbestigasyon sang pulisya nga nagalakat pauli sa balay si de Pedro sang gintawag sang suspek nga si Renante Arboleda.

Pagpalapit sang biktima, ginkakibot na lamang sini sang hinali siya nga wasayon sang suspek

Samtang gilayon nagresponde ang nakabati sa pagpangayo sang bulig ni de Pedro nga si Casugbo.

Apang sa pagpalapit sini, siya naman ang ginwasay sang suspek.

Gilayon naman nga naaresto si Arboleda nga karon nakabilanggo na sa presuhan sang Sigma PNP.