PONTEVEDRA CAPIZ – Arestado ang lalaki nga ginakabig Street Level Individual (SLI) matapos ang ginkasa nga drug buy bust operation sa Brgy. Sublangon, Pontevedra, Capiz.
Ginkilala ang nadakpan kay alyas “Robert”, 31-anyos residente sang Barangay Tacas sa nasambit nga banwa.
Sa interview sang Bombo Radyo sa hepe sang Pontevedra Municipal Police Station nga si PMAJ. GREGG Anthony Salbang, ginpahayag sini nga natigayon nga madakpan ang arestdao pinaagi sa isa ka pulis nga nagpakuno-kuno pusuer buyer.
Suno kay Salbang, nakuha sa paghinakop sini ang 3 ka sachets nga ginaalegar shabu, nga may kabug-aton 15 gramos, kag may Standard Drug Price P135,000, P3,000 nga buy bust money, (1) unit sang homemade 12 gauge break type nga may bala kag iban pa nga mga drug paraphernalias.
Kaso nga paglapas sa Republic Act 9165 ukon Comprehensive Dangerous Drugs Act of 2002 kag Republic Act 10591 ukon Comprehensive Firearms and Ammunition Regulation Act ang paga-atubangon sang nadakpan.// Sa karon yara na ini sa kustodiya sang Pontevedra MPS para sa nagakaigo nga disposisyon.
