MARIVELES, BATAAN- Patay ang isa ka lalaki nga nagpanukot sang utang matapos nga ginpalukpan sang “sumpak” sang lalaki nga iya nga ginsukot sa Mariveles, Bataan.
Sa isa ka report, ginpahayag nga natabo ang insidente sa Barangay Camaya, nga nag-umpisa sa pagpanukot sang 44-anyos nga biktima sa utang sang suspek nga P150.00.
Sa imbestigasyon sang mga kapulisan, naggwa nga ginkadtuan sang biktima ang balay sang suspek para magpanukot sang utang. Apang, nagresulta ini sa pagbaisay tubtob sa ginpalukpan sang suspek ang biktima.
Gintungahaan pa nga gindala sa ospital ang biktima apang gindeklara ini nga dead on arrival.
Padayon nga ginalalip sang mga otoridad ang madasig nagpalagyo nga suspek, samtang ginapreperar ang kaso nga ipasaka batuk sa iya.
Wala pa sang pahayag ang pamilya sang biktima.
