Lalaki nga ginbulagan sang nobya naghikog; wala kamatayon nga paghigugma unod sang suicide note

ROXAS CITY – Patay ang 18-anyos nga lalaki matapos naghikog sa puno sang mangga sa kilid sang ila nga  balay sa Barangay Cabugao,  Roxas City.

Mismo ang iloy sang biktima nga si alyas Jan nga nagapreparar sang pamahaw ang nakakita sa anak nga nagabitay sa puno sang mangga  sa kilid sang ila nga balay.

Gilayon nga gindala sa ospital ang biktima apang gindeklara  nga dead on arrival. 

Suno sa tiyo sang biktima nga may ginbilin nga suicide note ang hinablos sa diin nagasaad ini sang wala kamatayon nga paghigugma sa anay girlfriend.

Nahibaluan nga antes ang hitabo nagbuhi na sang pahayag ang biktima angut sa plano nga pagpanginmatay bangud sa pagbiya sa iya sang anay nobya.