Nakaguha na sa ospital ang 38-anyos nga tricycle driver nga ginbuno sang bulang sang kaupod sa ilimnan sa Barangay Poblacion Sur, Sigma, Capiz.
Ginkilala ang biktima nga si Gilbert Bacalangco kag ang suspek amo si Osias Roce 62-anyos, isa ka trisikad driver lunsay mga residente sang Poblacion Sur, Cogon, Sigma, Capiz.
Nagluntad ang insedente sa bilasyunan sa diin lunsay nakainum ang duha.
Nag-angkon sang pagbaisay ang duha tobtob nga ginkuha sang suspek ang bulang sa iya hawak kag ginbuno ang biktima sang makapila ka beses sa magkatuhay nga parte sang lawas.
Gilayon nga gindala sa Senator Gerardo Roxas Memorial District Hospital si Bacalangco para madapatan sang nagakaigo nga pagbulong ang naangkon nga samad.
Samtang matapos nadakpan sang mga kapulisan si Roce, ginturn over man sang suspek ang bulang nga gingamit sa pagbuno sa biktima.
