-- ADVERTISEMENT --
ROXAS CITY – Arestado ang 35-anyos nga lalaki matapos ginserbihan sang mandamiento de aresto sang mga kapulisan sa Barangay Balaring, banwa sang Ivisan.
Ginkilala ang arestado kay Rubin Arguelles Garcia, residente sang nasambit nga lugar.
Nagapangatubang sa kaso nga 2 counts of rape si Garcia kun sa diin ang warrant of arrest ang ginpapanaug kag ginpirmahan ni Hon. Faustino Roxas Jr, Acting Presiding Judge, 6th Judicial Region, Branch 14, Roxas City napetsahan Setyembre 2, 2022.
Wala naman sang may ginrekomendar nga piyansa ang korte para sa temporary nga kahilwayan sini.
Sa karon, nagapabilin ini sa paghinakup sang Ivisan MPS para sa nagakaigo nga disposisyon.
-- ADVERTISEMENT --
