-- ADVERTISEMENT --
ROXAS CITY – Arestado ang isa ka lalaki matapos ginserbihan sang warrant of arrest sang mga kapulisan sa banwa sa Barangay Tanque, syudad sang Roxas.
Ginkilala ang akusado kay Glen Drilon, 30 anyos kag residente sang nasambitan nga lugar.
Kaso nga Rape ang ginapangatubang sang ginakabig nga Top 8 Most Wanted Person Provincial Level.
Ang nasambit nga warrant ang ginpapanaug kag ginpermihan ni Hon. Faustino Valenzuela Roxas Jr., Presiding Judge RTC, 6th Judicial Region, Branch 14 Roxas City napetsahan Agosto 27, 2021.
Wala naman sang may ginpanaug nga piyansa ang korte para sa kahilwayan sang akusado.
-- ADVERTISEMENT --
Sa karon, nagapabilin ang nasambitan nga arestado sa kustodiya sang Roxas PNP kag natalana nga iga-turn over sa korte.
