Lalaki nga may kaso sang pang-abuso sa Pasig, nadakpan sa Sigma, Capiz

Nadakpan sang mga otoridad ang isa ka lalaki nga wanted sa kaso sang pang-abuso sa Pasig City, matapos ginserbihan sang mandamiento de arresto sa Barangay Capuyhan, banwa sang Sigma,

Capiz.

Ang amo nga suspetsado, nagapang-edaron sang 32-anyos kag residente sang Santa Lucia, Pasig City.

Gin-aresto ang suspetsado base sa warrant of arrest nga gin-issue ni Judge Robert Victor Consunji Marcon sang Branch 12, National Capital Judicial Region, Pasig City.

Ginrekomendar sang korte ang piyansa nga nagabalor ₱72,000 para sa posible nga temporaryo nga kahilwayan sang akusado.

Sa subong, yara na ini sa kustodiya sang mga otoridad kag natalana nga i-turnover sa Pasig City agud atubangon ang kaso batok sa iya.