Lalaki nga may nervous breakdown, naghikog sa puno sang mangga

ROXAS CITY – Patay ang 38-anyos nga lalaki matapos naghikog sa  puno sang mangga sa Barangay Maindang, Cuartero, Capiz.

Ginkilala ang biktima nga si Renel Berico sang nasambit nga lugar.

Nasapwan na lamang ang biktima sang utod nga nagabitay na sa puno sang mangga gamit ang pisi.

Samtang kumbinsido naman ang pamilya sang biktima nga wala sang foul play sa kamatayon sini.

Nahibaluan nga ini na ang ikalima nga kaso sang  suicide sa Capiz sa bulan sang Abril.

(PHOTO FROM WEB)