DAO, CAPIZ – Dakop ang isa ka lalaki nga ginakabig Top 1 Most Wanted Person sa Municipal Level matapos ginserbihan sang warrant of arrest sa Barangay Poblacion Ilawod, Dao, Capiz.
Ang wala na ginhingadlan nga akusado nagapang-edaron sang 39-anyos nga residente sang Barangay Balucuan, Dao, Capiz.
Nagapangatubang sang kaso nga Attempted Murder.
Ang warrant of arrest gin-isyu kag ginpirmahan ni Hon. Joy Rubi Infante-Guilot, Presiding judge, RTC, 6th Judicial Region, Branch 18, Roxas City, Capiz nga napetsahan sang Abril 21, 2025.
Naglab-ot naman sa P120,000 ang piyansa nga ginrekomendar naman sang korte para sa temporaryo nga kahilwayan sang akusado.
Yara na sa karon sa kustodiya sang Dao Municipal Police Station ang akusado para sa nagakaigo nga disposisyon.
