Patay ang isa ka lalaki sa Tondo, Manila matapos ginluthang samtang nagakaon sa sulod sang iya balay.
Makita sa CCTV nga nagsulod ang isa ka suspek nga armado nga may dala nga pusil kag ginluthang ang biktima samtang nagakaon sa Aroma compound.
Suno kay Police Major Philipp Ines, spokesperson sang Manila Police District, away bangud sa iligal nga aktibidad kaangay sang pag-tamper sang tubig, kuryente kag iban pa ang ginapahayag motibo sa krimen.
Sa ginpatigayon nga backtracking sang mga otoridad, gin-trace sang kapulisan ang mga suspetsado sa Aroma compound kag nadakpan ang isa sa tatlo ka mga suspetsado,
Ginapahayag nga kilala man sang kapulisan ang duha pa ka gunman suspects kag isa ka lookout nga padayon pa nga ginapangita.
Ginpanginwala naman sang arestado nga suspek nga may kahilabtanan siya sa krimen.
