ROXAS CITY – Naigu sa ibabaw sang nawala nga porsyon sang dughan ang isa ka lalaki matapos nga ginluthang sang isa ka persona sa Railway St., sakup sang Brgy. Punta Tabuc, Roxas City.
Natabo ang insidente kaina mga ala-una sa kaaganhon, Hunyo 26.
Ginkilala ang biktima kay Ryan Tiempo, 34-anyos, kag residente sang nasambit nga lugar.
Sandig sa inisyal nga imbestigasyon sang katapo sang Roxas City PNP, nagbakal sang sigarilyo ang biktima kag magapauli na kuntani sa ila balay, apang hinali nagtuhaw ang suspek kag gintiro ini sang makapila ka beses.
Narekober sa lugar ang baseyo sang ginapatihan 12 gauge shotgun.
May person of interest naman sa karon ang mga kapulisan apang indi pa mahingadlan bangud sa nagapadayon nga imbestigasyon.
Ginahibalo man ang motibo sang nalagyo nga suspek sa insidente.//END
