Napatay sang mga nagresponde nga pulis ang 43-anyos nga lalaki nga gin-alegar nagbuno sa mag-iloy sa Davao City.
Suno sa kapulisan, nagpadulong sa auto shop sang mga biktima sa Barangay Riverside ang suspek nga armado kag may bitbit sang kutsilyo.
Ginpahayag nga una nga gin-atake sang suspek ang 26-anyos nga tag-iya sang balaligyaan nga nag-angkon sang tatlo ka pilas sa lawas. Nagtuyo pa nga magbulig ang iloy sang biktima apang ginbuno man ini sa likod.
Pareho nga gindala naman sa ospital ang mag-iloy agud mabulong ang ila mga pilas nga naangkon.
Nagresponder naman ang mga kapulisan sang Task Force (TF) Davao kag Calinan Police Station tubtub nga nalagas ang suspek sa balay sang iya ugangan nga babayi.
Apang sa baylo nga magsungka, ginpahayag nga gintuyo man nga bun-on sang suspek ang isa ka personnel sang TF Davao, rason nga napilitan ini nga tiruhon.
Matapos nga madakpan kag makuha ang kutsilyo, gindala pa sa ospital ang suspek apang ulihi na ini nga ginbawian sang kabuhi.
