Patay ang isa ka lalaki matapos ginbuno sang kaupod bangud nang-agaw sang microphone sa karaoke sa Sitio Mantuhod, Barangay Cabacungan, La Castellana, Negros Occidental sang Domingo sang gab-i, Setyembre 6, 2026.
Ang biktima amo si alyas Domi samtang ang suspek naman amo si alyas Jobe.
Sandig sa imbestigasyon sang La Castellana Municipal Police Station, nag-upod ang biktima, nag-intra sa nagaininum sa tiyangge ni alyas Eden kag nagkanta kag ang suspek.
Suno kay Capunong, nagsinabad ang biktima bangud hubog na rason nga nag-init ang ulo sang suspek rason nga ginpauntat ni alyas Eden ang pag-inum kag pagkanta sang mga ini.
Nagpalauli na ang ila mga upod apang ang suspek ginsundan ang biktima kag ginsumbag antes ginbuno.
Gindala ang biktima sa Rural Health Unit sang La Castellana, apang gin-deklarar ini nga dead on arrival matapos makaangkon sang pilas sa iya liog kag lawas.
Nadakpan naman ang suspek matapos ang hot pursuit operation.
Gindala siya sa police station samtang ginapreparar sa karun ang pagpasaka sang kaso nga murder batok sa suspek.
Ginalantaw nga kahulugbon kag daan nga hiligut-anon ang motibo sang pagpamuno.
Padayon naman ang imbestigasyon sang mga otoridad kag ginapangita pa ang armas nga ginasuspetsahan nga gingamit sa pagbuno
