Natumod na kag natalana nga pasakaan sang kaso ang isa ka lalaki nga ginapahayag nagtaban sang isa ka laptop sa isa ka boarding house sa Barangay Inzo, Roxas City.
Ginkilala ang amu nga persona kay alyas “Siping” kag yara sa legal nga pang-edaron.
Sa interview sang Bombo Radyo kay PLTCOL Lumyaen Lidawan, Officer In Charge sang Roxas City Police Station, ginapahayag sini nga may kaangay man nga kaso ang amu nga persona sang mga tinalikdan nga tuig apang wala natigayon nga mapreso bangud wala sang may pormal nga nagafile sang kaso.
Suno kay Lidawan nga wala sang permanente nga lugar nga gina-istaran ang nasambit nga suspek kag nagapasaylo-saylo lamang ini sang lugar agud makapangbiktima.
Sa karun, ginaproseso na sang mga otoridad ang dokumento agud mapasakaan sang nakaigo nga kaso batuk sa suspek.
