ROXAS CITY – Ginpakigbahin sang abyan sang lalaki nga nasapwan-patay sa Gomez Street, Barangay IV, Roxas City nga may ginasupreher ini nga balatian nga epilepsy ang biktima.
Matandaan nga ginkilala ang biktima kay Raymondo Andrade, 40-anyos kag residente sang Barangay Libas, Roxas City.
Sa exclusive interview sang Bombo Radyo Mr. Alejandro Samson abyan sang napatay, ginpakigbahin sini nga isa ka maayo nga tawo si Andrade apang samtang nagadugay naglain na ini bangud wala sang may gina-istaran nga maayo nga puluy-an sa diin yara lamang ini nagahigda sa kilid sang dalan.
Suno kay Andrade nga masobra 10 na ini ka tuig nga nagatinir sa lugar apisar nga may yara ini sang pamilya, mas ginpili pa suno diri sang iya abyan nga magpabilin kun sa diin madamo man sang mga tawo ang nagahatag sa iya sang bulig ilabi na sang mga pagkaon.
Mahibaluan nga anay manugbulkit si Andrade, apang sang ulihi nadulaan ini sang palangitan-an.
Ginsiling man ni Samson nga ginkakibot na lamang sini nila sang mahibaluan nga wala na sang kabuhi ang iya abyan.
Apang, nagapati man ini nga wala sang foul play nga natabo angut sa nasambit nga insidente.
