ROXAS CITY – Pila na ka adlaw nga ginapangita sang pamilya kag mga otoridad ang lalaki nga nasapwan sa Sitio Tag-ay, Barangay Cabugcabug, President Roxas.
Sa interview sang Bombo Radyo kay PMAJ. Rachel Garnica hepe sang President Roxas Municipal Police Station, ginpahayag sini nga naglambo sang karabaw ang mangunguma nga biktima kag magatabok kun tani sa suba sang aksidente nga gin-anud ini sang mabaskog nga current sang tubig rason sang iya pagkalumos.
Suno kay Garnica, nagapati ang pamilya sini nga wala sang foul play nga natabo kag aksidente lamang.
Sa karun, yara na sa isa ka punerarya sa banwa sang Pilar ang bangkay sang biktima.
Mensahe sang nasambit nga hepe sa mga pumuluyo ilabi na sa mga nagatabok sa mga suba, maghalong kag indi magkampante apisar nga manabaw lamang ang tubig agud malikawan ang kasubong nga insidente.
Matandaan, nagahabok na kag nagakulob ang bangkay sini sang makit-an sang mga otoridad kag ginapahayag nga nagsab-it ini sa mga kagingging nga yara sa kilid sang Taning River.
