Patay na sang nasapwan sa isa ka suba sa Cagayan de Oro City ang isa ka 15-anyos nga lalaki nga pila na ka adlaw nga nadula.
Ang pamilya sang lalaki ang may pahanagupnop nga basi may foul play sa kamatayon sang ila himata.
Base sa report sang kapulisan, ginpahayag nga wala na nakapauli sa ila balay sang Miyerkules ang biktima, asta nga nakita ang iya bangkay nga naglutaw na sa suba.
Suno naman sa pamilya sang binatilyo, gintawagan pa sang biktima ang iya nanay sang hapon sang Miyerkules kag nagsiling nga nagahulat siya sang masakyan paului apang wala na ini makapauli.
Magluwas sa cellphone sang biktima, wala man nakit an sa lugar ang iban pa nga gamit sang binatilyo pareho sang bag kag wallet.
Pahayag man sang Philippine Coast Guard nga nakabaton sila sang report sang nga may nga may nahulog sa suba rason nga nagpatigayon sila sang search kag retrieval operations.
Sa subong nagapadayon ang imbestigasyon sang Cagayan de Oro City Police Office (COCPO) sa natabo sa lalaki.
