Lalaki nga wanted sa kaso nga Attempted Murder kag Frustrated Murder, arestado sa banwa sang Cuartero

CUARTERO, CAPIZ – Arestado ang isa ka wanted nga persona matapos ginserbihan sang duha ka mga warrant of arrest sang mga kapulisan sa Barangay Lunayan, Cuartero, Capiz.

Ginkilala ang naaresto nga si John Falcis, 25 anyos sang nasambit nga lugar nga akusado sa mga kaso nga Attempted Murder kag Frustrated Murder.

Ang warrant of arrest batuk kay Falcis ang gin-isyu kag ginpapanaog ni Judge Kristine Tiangco-Vinculado sang RTC, Branch 16, Roxas City.

Ginrekomendar sang korte ang P320, 000 tanan nga piyansa para sa duha ka mga kaso ni Falcis para sa iya temporaryo nga kahilwayan.

Si Falcis ang nakahunong karon sa karsel sang Cuartero Municipal Police Station.