CUARTERO, CAPIZ – Dakop ang ginakabig nga Most Wanted Person matapos ginserbihan sang warrant of arrest sa Brgy. Agcabugao, Cuartero, Capiz.
Ang wala na ginhingadlan nga akusado ang residente sa nasambit nga banwa.
Sa impormasyon nga nagikan sa Cuartero Municipal Police Station, nagapangatubang sa kaso nga Frustrated Homicide ang akusado.
Natigayon naman ang amo nga operasyon sa gintingub nga pwersa sang Cuartero PNP, 2nd CAPIZ PMFC kag Capiz PPO PIU/Tracker Team.
Samtang ang warrant of arrest ang ginpapanaog kag ginpirmahan ni Acting Presiding Judge KRISTINE B. TIANGO-VINCULADO, sang Regional Trial Court, Sixth Judicial Region, Branch 15, Roxas City, Capiz nga napetsahan sadtong HulyO 22, 2024.
Ginrekomendar naman sang korte ang P36,000 nga piyansa para sa temporaryo sini nga kahilwayan.
Sa karon, yara na sa paghinakop sang Cuartero PNP ang akusado para sa nagakaigo nga disposisyon.
