ROXAS CITY – Patay ang isa ka lalaki, matapos ginapahayag nga gin-atake sa kurason sa Barangay Anhawon, Panay Capiz.
Ginkilala ang biktima kay Alexander Bolilan, 52-anyos kag residente sang nasambit nga lugar.
Sa interview sang Bombo Radyo kay Police Staff Sergeant Jessmar Barredo, duty investigator sang Panay Municipal Police Station, ginpahayag nga nagikan ang biktima sa Panay Proper sakay sang iya bisikleta apang sa iya pagpauli hinali na lamang ini nga natumba.
Madasig naman nga ginrespondihan sang katapo sang
Panay Emergency Response Team agud hatagan sang pauna nga pagbulong antes ginpandangat sa ospital, apang gindeklarar ini nga dead on arrival sang doctor.
Samtang, nagapati naman ang pamilya sang biktima nga wala sang foul play sa natabo nga insidente.
Sa karon, yara na ang bangkay sang biktima sa isa ka punerarya sa amu nga banwa.
