Lalaki, patay matapos ginbuno sang kagawad bangud sa gin-alegar away sa utang

Patay ang isa ka lalaki matapos ginbuno sang kagawad bangud sa away sa utang sa Arevalo, Iloilo City.

Makit-an sa CCTV footage ang naga-away ang lalaki nga nakasuksok sang yellow samtang nagatipon sang mga suludlan sang tubig sa Barangay Santa Filomena sadtong Huwebes.

Makaligad ang pila ka tion, gulpi lang nagdalagan ang lalaki matapos nga may naglagas sa iya. Wala ini nakuhaan sang camera, apang naguwa nga isa ka kagawad ang nagabuno sa iya.

Samtang isa naman ka lalaki nga gin-alegar tawo sang suspek ang nag-uyat sa biktima sang natabo ang krimen.

Dead on arrival sa ospital ang biktima nga nakabaton sang pilas sa kili-kili kag abaga.

Padayon naman ang hot pursuit operation sa mga suspetsado nga posible pasakaan sang kaso nga murder.