ROXAS CITY – Patay ang 57 anyos nga lalaki matapos ginlabu kag gingulgulan pa sang liog sa sulod sang iya balay sa Sitio Tagudton, Barangay Maninang, Sapian, Capiz.
Ginkilala ang biktima kay Robinson Alvarez, residente sang nasambit man nga lugar.
Base sa inisyal nga impormasyon sang Sapian Municipal Police Station, ginkatingala sang iloy sang biktima nga wala pa ini makaguha sa iya balay rason nga iya na lamang ini nga ginsulod.
Sa iya pagsulod, ginkakibot sang ginang sang nasapwan nga nagakaya ang anak nga duguon kag wala na sang kabuhi.
May nakit-an nga pilas sa ulo sang biktima kag sa liog sini nga ginapatihan gingulgol sang wala pa makilala nga suspek.
Natalana naman nga ipaidalom sa autopsy ang bangkay sang biktima samtang ginapadalman pa sang mga otoridad ang ila nga imbestigasyon angut sa nasambit nga insidente.
(PHOTO FROM WEB)
