PONTEVEDRA, CAPIZ – Patay ang isa ka lalaki matapos ginluthang sang kaupod sa ilimnan sa Barangay Sublangon, Pontevedra, Capiz.
Ginkilala ang biktima nga si Franklin Billones sang nasambit nga lugar kag nag-angkon sang patal nga pilas sa nawala nga dughan.
Sandig sa imbestigasyon sang mga kapulisan nga nagainum ang biktima kaupod ang suspek nga si Presty Blancaflor alyas Bao sang Barangay Agdalipe, Pontevedra, Capiz kag tatlo ka iban pa sang nagluntad ang indi pag-intiendihanay sa ila.
Gilayon nga gindala sa ospital ang biktima apang gindeklara ini nga dead on arrival sang doktor.
Samtang nagsungka ang isa sa apat ka mga suspek nga si Japher Fuentes 26-anyos sang Barangay Agdalipe, Pontevedra sa ila punong barangay nga amo naman ang nagturn over sa Pontevedra Municipal Police Station.
