ROXAS CITY – Wala nagpakigkita ang ginbansagan investment scheme ‘queen’ sa Capiz sa isa sa nagreklamo nga nabiktima sini sa Barangay Baybay, Roxas City.
Ini ang ginpahayag ni Punong Barangay Reynaldo Magallanes sang mainterview sang Bombo Radyo Roxas.
Suno kay Magallanes nga natalana kuntani ang pagpakigkita sang wala na ginhingadlan nga investor kag sang kontrobersiyal nga si Baarde apang wala nagtambong ang ginang.
Naghinyo si Baarde sang re-schedule para sa ila nga pagkit-anay sang complainant.
Nahibaluan sa pagpanalawsaw sang Bombo Radyo Roxas nga yara sa Iloilo City sa karon ang kontrobersiyal nga si Baarde.
Isa lamang ang nasambit nga investor sa 73 ka mga indibidwal nga nagdangop sa estasyon sang pulisya agud ipalab-ot nga nataban man sa ila ang daku nga kantidad sang kwarta nga ila gin-invest sa nasambit nga investment scheme.
