Lalaki patay matapos nalumos sa suba

ROXAS CITY – Patay ang 28-anyos nga lalaki matapos malumos sa suba sa banwa sang Dao sa probinsiya sang Capiz.

Nakilala ang biktima nga si Reyjhon Regalado sang Barangay Lacaron, Dao.
Ba-se sa imbestigasyon sang pulisya hinali nga napiking ang tiil sang biktima matapos nga maglumpat sa suba.

Ginkulbaan ang mga kaupdanan ni Regalado bangud wala na ini makabutwa rason nga ila ini ginsalum tobtob makita.

Gindala sa ospital ang biktima apang gindeklara ini nga dead on arrival.

Samtang kumbinsido ang pamilya sang biktima nga wala sang foul play sa kamatayon sang ila himata.