ROXAS CITY – Patay ang 27-anyos nga lalaki matapos luthangon sang riding-in-tandem sa Barangay Rosario, Pilar, Capiz.
Ginkilala ang biktima nga si Rio Adrigado sang nasambit nga barangay.
Nagaguwa sa imbestigasyon sang Pilar Municipal Police station nga naga-estorta ang biktima sa mga tawo sang hinali nag-abot ang isa ka motorsiklo nga may sakay nga duha ka mga tawo.
Sa wala nahibaluan nga rason hinali na lamang nga ginluthang sang backrider ang biktima nga nag-angkon sang pilas sa natuo nga bahin sang dughan.
Nakadalagan pa si Adrigado, apang wala nagdugay natumba ini.
Gindala sa ospital ang biktima apang gindeklara nga dead on arrival sang doktor.
Samtang nakahunong na sa karsel ang duha ka mga suspek nga ginkilala nga sanday July Bataanon 44-anyos kag Abner Bacanto Jr., 29-anyos lunsay mga residente sang Sitio Bat-us, Barangay San Ramon, Pilar, Capiz.
Nahibaluan nga si Bataanon ang backrider kag ginatudlo nga amo ang nagluthang sa biktima.
