ROXAS CITY – Patay ang 46-anyos nga lalaki sang nasapwan sa sulod sang ila balay sa Barangay Agsirab, Dumarao, Capiz.
Ginkilala ang biktima nga si Elmer Gonzales nga nakita sang kaingud balay nga nagahamyangon na lamang sa ila balay.
Ba-se sa report nga naghinyo ang asawa sang biktima nga nagatrabaho sa luwas sang pungsod sa ila kaingud balay nga si Ryan nga tsekyaron sa balay si Gonzales, bangud nabalaka ini nga wala ginasabat sang bana ang cellphone.
Apang ginkakibot na lamang ni Ryan sa pag-abot sa balay sang biktima sang nakita ini nga nagahamyangon kag wala na sang kabuhi.
Ginapatihan nga nakuryente ang biktima bangud yara sa luyo sini ang kable sang kuryente sang nasapwan sa ila balay.
Sa karon padayon ang imbestigasyon sang mga kapulisan sa banwa sang Dumarao agud matumod ang gintunaan sang kamatayon ni Gonzales.
