BATABAT, Maayon, Capiz – Patay ang isa ka lalaki matapos ang nagluntad nga pagpangluthang sa Sitio Lonoy, Barangay Batabat, Maayon, Capiz.
Ang biktima amo si alias Nando, 60-anyos, samtang ang suspetsado ginkilala sakay alias Deo, 57-anyos nga lunsay residente sang nasambit nga lugar.
Matandaan nga natabo ang insidente Agosto 29, sa takna sang 4:40 sang hapon sa bahin sang duha ka mag utod kun sa diin ang ginatudlo nga kabangdanan ang indi pagkaintindihanay.
Sa interview sang Bombo Radyo kay Police Captain Danilo F Lauron, Officer in Charge sang Maayon Municipal Police Station, iya ginpahayag nga samtang nagabulad sang palay si alias Nando ang manok ni alias Deo amo ang nagakaon sang binulad rason man nga ginkomprota ini sang iya magulang ang iya manghod kag may pagbinaisay nga natabo sa ila duha ini isa sa gintan-aw man nga nangin mainit ang ila diskusyon kag hinali nga nag palapit ining suspek sa biktima kun sa diin nagbunot man ini sang armas kag gilayon ini ginturo nga naigo naman sa ulo nga parte.
Suno kay Lauron wala narekober kag impormasyon kun ano nga klase sang armas ang gingamit sang suspek bangud sa ginhaboy na niya ini sa kakahuyan nga parte sang amo nga lugar.
Pahayag pa niya bangud sa insidente nga natabo gilayon naman ini ginrespondihan sang katapo sang kapulisan kag nag surrender naman si alias Deo.
Dugang man sang natungdan ang asawa sang biktima ang ginakabig sa karon nga witness, samtang ini gani nga lugar isa ka malapit sa highway kag base sa imbestigasyon nahauna nga narekord ini sa bulan sang Agosto.
Sa karon handa naman nga magpasaka sang kaso ang pamilya sang biktima nga, kun sa diin magapangatubang sang murder nga kaso ang suspetsado.
