Pilas sa liog kag nawala nga kamot ang naangkon sang isa ka lalaki matapos nga ginbuno sa San Roque St. Barangay I, syudad sang Roxas
Ginkilala ang biktima sa kay alyas Manuel 35-anyos residente sang Barangay Bagong Barrio, Tapaz, Capiz, samtang ang ginapahayag nga suspek amo si Alyas berto, residente sang Barangay Igang, Pototan Iloilo
Sandig sa impormasyon nagikan sa Roxas City PNP ginpahayag nga samtang ang biktima kag nobya sang suspetsado nga si alyas Maymay, 34 anyos residente sang Barangay Buenavista, Guimaras ang naga istoryahanay sang hinali nalang may nagluntad nga mainit nga pagbinaisay sa tunga sang duwa ka persona sang hinali nalang nga ginbuno sang suspek gamit ang isa ka buka nga bubog.
Bangud sini, nag angkon sang pilas sa liog kag nawala nga kamot kag gilayon naman nga gindala sa Roxas Memorial Provincial Hospital ang biktima para sa nagakaigo nga pagbulong.
Sa karun, yara na sa kustodiya ang suspetsado para sa nagakaigo nga disposisyon.
