Pilason ang lalaki matapos ini ginbuno sa Barangay VIII, Roxas City.
Ang biktima amo si Jonathan Villasoto, residente sang Barangay Pirara, Sapian Capiz kag ang suspek amo si alas dudut nga residente sang Sitio Pili, Barangay Dinginan, Roxas City.
Sa interview sang Bombo Radyo kay Police Lieutenant Colonel Jomuad Jr., Hepe sang Roxas Component City Police Station, iya ginpahayag nga base sa ila inisyal nga imbestigasyon, hinali lang nga ginpalapitan sang suspek ang biktima kag ginbuno nga naigo sa iya sini nga tyan kag kamot.
Gilayon man nga gindala sa pinakamalapit nga ospital ang biktima agud dapatan sang pag bulong.
Madasig man nga nagpalagyo ang suspek nga padayon nga ginapangita sang kapulisan.
Dugang pa sang natungdan, magapadayon ang ila nga imbestigasyon sa gintunaan sang amo nga pagbuno agud nga matagaan sang nagakaigo nga disposisyon ang kaso.
