Pilas ang naangkon sang isa ka trabahante matapos nasalabat buno sang kainom sini nga manugbantay sang punong sa Barangay Agojo, Panay, Capiz.
Ginkilala ang biktima kay alyas ‘Wil’, 57-anyos, isa ka trabahador, residente sang Barangay Cagay, Roxas City, samtang ang suspek amo si alyas ‘Bert’, 47-anyos, Fish pond caretaker, kag residente sang Barangay Agojo, Panay, Capiz.
Sa impormsyon nga nakuha sang Bombo Radyo sa Panay Municipal Police Station, ginpahayag sini ngaa samtang naga-inom inom ang biktima kag ang suspetsado sa balay ni Jovanie ugangan sang suspetsado kaupod si alyas ‘Noli’, 38-anyos, isa man ka manugbantay sang punong kag residente sang Barangay Dulangan, Pilar, Capiz. Hinali nalang nga nagluntad ang wala pag-intindihanay sang suspek kag ni alyas Noli.
Luyag lang kun tani sang biktima magpatung sa ila samtang nagabaisay, apang hinali nalang nga nag-gabot sang kutsilyo ang suspetsado sa iya nga hawak kag bun-on kuntani si Noli, apang ang biktima ang naa-igo kag nag-angkon sang pilas sa iya tiyan.
Ginlayon man ini nga ginpadangat sa ospital ang biktima sa isa ka pribado nga hospital sa siyudad sang Roxas para sa nagakaigo nga pagbulong samtang gin-aresto naman sang nagresponde nga mga kapulisan sa lugar ang nasambit nga suspetsado.
