SIGMA CAPIZ – Pilason ang isa ka lalaki matapos malab-an sa Sitio Sinandigan, Barangay Mianay, Banwa sang Sigma.
Ginkilala ang biktima kay alyas Ricky , 56-anyos, samtang ang suspek ang ginkilala kay alyas Peterly, 50-anyos, lunsay mga residente sang nasambit nga barangay.
Sa impormasyon nga nakuha sang Bombo Radyo nagikan sa Sigma Municipal Police Station nga samtang yara sa iya payag ang biktima nga nagahimo sang karusa, hinali lamang ini nga ginlabo sang suspek.
Bangud sini, nag-angkon sang pilas sa wala nga dalunggan kag kamot ang biktima.
Mahibaluan nga anay hiligut-anon ang ginalantaw nga motibo sa pagpanglabo sang suspek sa biktima.
Gilayon naman nga ginpadangat sa Mambusao District Hospital ang biktima para sa nagakaigo nga pagbulong.
Sa karun yara na sa kustodiya sang Sigma MPS ang suspek para sa nagakaigo nga disposisyon.
