ROXAS CITY – Pilason ang isa ka lalaki matapos ginlabu sa Barangay Bato, Roxas City.
Ang wala na ginhingadlan nga biktima ang naga-edad sang 25 anyos.
Ginkilala ang mga suspek nga sanday Alvin Albaladejo, 33 anyos kag Nelbert Albaladejo, 30 anyos, lunsay residente sang Barangay Bato, Panay.
Base sa nakuha nga impormasyon sang Bombo Radyo, sakay ang biktima sa iya motorsiklo kaupod ang backrider nga si Joepel Santilisis sang gintambangan sila sang mga suspek sa nasambit nga lugar.
Una nga gintapungol sang mga suspek si Santilisis kag ginhambalan nga indi magpasilabot.
Diri kag ginaalegar ginlabu sang mga suspek si Albaladejo nga nag-angkon sang pilas sa iya nga likod.
Madasig nga nagpalagyo ang mga suspetsado apang natigayon man nga maaresto sa ginpatigayon nga hot pursuit operation sang mga kapulisan.
Padayon naman sa karon nga ginabulong sa ospital ang biktima.
