Pilason ang isa ka lalaki matapos ginluthang sang wala makilan-an nga persona sa Barangay Tumalalud, Mambusao, Capiz
Ginkilala ang biktima kay alyas “Fred”, yara sa legal nga pang-edaron kag residente sang Barangay Bunga sa nasambit nga banwa.
Base sa impormasyon nga nagikan sa Mambusao Municipal Police Station, ginapahayag nga samtang ginasubay sang biktima gamit ang iya nga motorsiklo nga ginamaneho pabalik na kuntani sa ila nga puluy-an sang hinali nalang ini nga ginluthang sang wala makilan-an nga suspek sang wala matumod nga armas-luthang.
Bangud sini, nadulaan sang kontrol ang biktima sa iya nga pag maneho kag natumba ini nga gilayon naman nga gindala sa Mambusao District Hospital agud mapadapatan sang nagakaigo nga pagbulong.
Samtang,madasig naman nga nalapalagyo sa wala matumod nga direksyon ang suspek matapos makumiter ang krimen.
Sa karun, nagadayon ang hot pursuit operation sang mga kapulisan batuk sa nasambit nga suspetsado.
