ROXAS CITY – Duguon nga ginpadangat sa ospital ang isa ka security guard matapos maaksidente ang ginamaneho sini nga motorsiklo sa Arnaldo Blvd, Barangay Baybay, Roxas City.
Ginkilala ang biktima kag Roberto Tolentino, temporaryo nga naga-estar sa Barangay Bolo, Roxas City.
Base sa inisyal nga impormasyon, gikan sa isa ka okasyon sang iya abyan ang biktima kag magapauli na kuntani kaupod ang iya backrider nga iya lang man abyan.
Apang wala sini matalupangdan ang pagliko sang isa ka puti nga salakyan rason nga aksidente niya ini nga nabungguan.
Bangud diri, natumba sa dalan ang motorsiklo nga ginamaneho ni Tolentino nga nagresulta sa iya pag-angkon sang magkatuhay nga kasaraman sa lawas.
Bangud diri, gilayon nga gindala sa ospital ang biktima agud madapatan sang nagakaigo nga pagbulong.
