-- ADVERTISEMENT --
ROXAS CITY – Pilason ang isa ka lalaki matapos naaksidente ang ginamaneho sini nga motorsiklo sa Barangay Sibaguan, Roxas City.
Ginkilala ang biktima kay Danilo Amante sang Barangay Dinginan, sining siyudad.
Base sa inisyal nga impormasyon, nagikan sa banwa sang Ivisan kag pauli na kuntani ang biktima sakay sa iya motorsiklo sang nadulaan ini sang kontrol sa manubela kag natumba sa dalan.
Bangud diri, nag-angkon sang mga kasamaran sa lawas ang biktima nga gilayon gindapatan sang nagakaigo nga pagbulong sang mga katapu sang Capiz Emergency Response Team (CERT).
