BRGY PUNTA COGON, ROXAS CITY – Pilas ang naangkon sang lalaki, matapos mabun-an sa Barangay Punta Cogon, Roxas City.
Ginkilala ang bikima kay Elcris Agupitan, 34-anyos samtang ang ginapahayag suspek ang ginkilala kay Donald Bacia, 35-anyos, construction worker lunsay mga residente sang nasambit nga lugar.
Sa impormasyon nga nakuha sang Bombo Radyo nagikan sa Roxas City PNP, ginapahayag nga samtang nagapangape si Agupitan sa guha sang ila puluy-an ginkompronta sini si Bacia nga yara sa tabuk sang dalan bangud sa batasan sini kung mahubog.
Bangud sa natabo may nagluntad nga mainit nga komprontasyon sa tunga sang biktima kag suspek rason nga hinali na lamang ginbuno ang biktima sa likod nga bahin sang iya lawas.
Gilayon naman nga ginpadangat sa Roxas Memorial Provincial Hospital ang biktima samtang boluntaryo nga nagsungka sa Brgy. Kagawad ang nasambit nga suspek.
Mahibaluan nga daan nga hiligut-anon ang ginalantaw nga motibo sa nagluntad nga insidente.
