ROXAS CITY-Nahulog sa hagdan ang isa ka lalaki matapos sini nga nasagi ang isa ka bukas nga kable sang kuryente samtang ini ang naga kay-o sang ila nga kable sang internet nga yara sa isa ka poste sang CAPELCO, takna alas-10:30 kaina sang aga sa Barangay Centro, Dao, Capiz.
Ang wala na ginhingadlan nga biktima ang nagapang-edaron sang 34-anyos kag residente sang amo nga barangay.
Sa interview sang Bombo Radyo kay PCPT. Dandy A. Delfin, officer in charge sang Dao Municipal Police Station suno sa iya, samtang nagakay o ang amo nga biktima sang kable sang ila sini nga internet sa poste sang kuryente sang CAPELCO, natandog sini sang lawas sang biktima ang open wire rason nga nakuryente ini kag nahulog sa hagdan.
Nag-angkon sang mga patal nga pilas sa magkatuhay nga parte sang lawas ang amo nga biktima.
Gilayon naman nga ginrespondehan sang mga katapo sang DAO MDRRMO ang amo nga biktima kag gilayon nga ginpadangat sa Dao District Hospital para sa nagakaigo nga pagbulong.
