ROXAS CITY – Pilason ang 32-anyos nga lalaki, matapos nga bumunggo ang ginamaneho sini nga motorsiklo Honda XRM 100 sa kasugata nga L300 Mitsubishi Van sa National Highway sang Barangay Poblacion sa banwa sang Jamindan kahapon sang aga.
Ginkilala ang biktima kay Hernane Januto 33-anyos, driver kag reisdente sang Barangay Jagnaya samtang ang suspek ang ginkilala kay Gemar Vipinosa 32-anyos kag residente sang Barangay Bayebaye lunsay sa amu nga banwa.
Sa impormasyon nagikan sa Jamindan Municipal Police Station, samtang ginasubay sang biktima ang dalan nagikan sa Barangay Esperanza padulong kun tani sa Barangay Poblacion, sang hinali na lamang madulaan sa kontrol sa pagmaneho ang suspek rason sang iya pagkabunggo sa van kag gintunaan sang iya pagkatumba.
Bangud sini, madasig naman nga ginrespondihan sang katapo sang Municipal Disaster Risk Reduction and Management Office (MDRRMO ) agud hatagan sang pauna nga pagbulong antes ginpadangat sa Mambusao District Hospital para sa nagakaigo nga pagtatap.
Samtang, yara na sa kustodiya sang Jamindan Municipal POolice Station ang mga embolbado nga salakyan para sa nagakaigo nga disposisyon.
