Lalaki pilason sa aksidente sa dalanon sa boundary sang Barangay Cabugao kag San Jose

ROXAS CITY – Pilason ang isa ka persona sa nagluntad nga aksidente sa dalanon sa boundary  sang Barangay Cabugao kag Barangay San Jose, Roxas City.

Ginkilala ang napilasan nga si Arjel Calzado, 20 anyos, residente sang Barangay San Jose.

Ginapahayag nga aksidente nga nasanggit sang motorsiklo nga ginamaneho ni Calzado ang motorsiklo nga ginamaneho ni Ricky dela Peña, 47 anyos, residente sang Barangay Lawaan, sining siyudad.

Bangud diri, natumba ang motorsiklo nga ginamaneho ni Calzado rason nga naapok ini kag nag-angkon sang mga kasamaran sa lawas.

Gilayon nga gindapatan sang nagakaigo nga pagbulong sang Capiz Emergency Response Team (CERT) si Calzado antes gindala sa ospital.