Ginlamon ang isa ka lalaki samtang yara sa lawod sa kadagatan nga sakop sang Santiago, Chile.
Ginkilala ang biktima kay Adrian Simancas.
Suno kay Adrian, ginapatihan nga isa ka humpback whale ang naglamon sa iya kag maswerte lamang nga gilayon man siya nga ginluad sang amu nga balyena.
Kaupod ni Adrian, ang iya amay sang natabo ang insidente kung sa diin ginapahayag nga hinali lamang nagtuhaw ang balyena kag gintulon siya.
Bangud sini, kakulba kag kahadlok ang nabatyagan sang 24-anyos nga lalaki.
Samtang, nakuhaan sang iya amay ang kabug-usan nga insidente.
Pag-eksplekar sang mga eksperto nga ang nasambit nga balyena posible nga magakaon sang prey kung sa diin ini ang mga magagmay nga hipon ukon Krill kag mga isda nga yara sa ibabaw sang surface sang dagat kung sa diin yara man nakapwesto sanday Adrian kabangdanan nga nalakip sila sa paghigop sang higante nga balyena.
